Yangi bozorlar mutaxassislarini tayyorlash milliy markazida olingan bilimlar tufayli kompaniyamiz kapital bozorida o‘z mavqeini mustahkamlab, strategik maqsadlarini amalga oshirayotgan mijozlar uchun asosiy hamkorga aylandi va katta yutuqlarga erishdi. Biz O‘zRTXB aksiyalarining muvaffaqiyatli SPO joylashtirilishini amalga oshirdik va O‘zbekiston fond bozorida shaffoflikni rivojlantirishda davom etmoqdamiz. 15 yillik faoliyat davomida kompaniya 80 dan ortiq korxonaga qimmatli qog‘ozlarini chiqarish va joylashtirishda yordam berdi. KapDepo yangi texnologiyalarni faol joriy etadi, biznes jarayonlari va anderraytingni rivojlantiradi hamda har yili fond bozorining professional ishtirokchilari reytinglarida yetakchi o‘rinlarni egallaydi. Kompaniya KAP DEPO axborot kanali orqali O‘zbekiston va xorijiy mamlakatlar moliya bozorlaridagi voqealar haqida jamoatchilikni xabardor qilib boradi, O‘zbekiston fond bozorida investitsiyalar va bitimlar bo‘yicha qaror qabul qilish uchun eng muhim voqealarning haftalik sharhlarini eʼlon qiladi.