«Korporativ moliya va investitsiya bankchiligi sohasidagi 15 yildan ortiq tajriba menga institutsional investorlar uchun barqaror infratuzilma yaratish muhimligi haqida ishonch bilan gapirish imkonini beradi. Portfolio Investments’da biz O‘zbekistonning zamonaviy tarixidagi ilk ommaviy aksiyalar joylashtirishlarini amalga oshirdik hamda yirik kompaniyalarga kapital jalb qilish va bitimlarni strukturaga solish bo‘yicha maslahat berdik. Yangi bozorlar mutaxassislarini tayyorlash milliy markazida olingan nazariy va amaliy bilimlar tahliliy yondashuvlarni ishlab chiqish hamda moliyalashtirishning yangi shakllarini joriy etish uchun asos bo‘ldi. Bu qimmatli qog‘ozlar bozoriga ishonchni oshiradi va O‘zbekistonning xalqaro maydondagi mavqeini mustahkamlaydi.»